Aqtóbede dárigerdi óltirgen kúdikti ustaldy

<p>AQTÓBE. KAZINFORM &ndash; Aqtóbe qalasynda er adam tanys áıelin óltirdi. Kúdikti polıtsııaǵa qarsylyq kórsetip, jaralap, kólikpen qashyp ketken jerinen ustaldy.</p>

Oqıǵa túnde boldy. Aqtóbe qalasy Maresev kóshesindegi kópqabatty úıdiń páterinde pyshaq jaraqatyn alǵan áıeldiń denesi tabyldy.

«Áıel adamnyń pyshaq jaraqattary túrindegi zorlyq-zombylyqpen óltirý belgileri bar máıiti tabyldy. Ustaý kezinde kúdikti qarsylyq kórsetip, polıtsııa qyzmetkerin jaraqattap, oqıǵa ornynan kólikpen qashyp ketken. Qýdalaý kezinde kúdikti birneshe avtokólikti soǵyp, Aqtóbe-Bolgarka jolynda aýdaryldy. Kúdikti ustaldy. Kisi óltirý deregi boıynsha sotqa deıingi tergeý júrip jatyr», - dep habarlady oblystyq PD baspasóz qyzmeti.

Aqtóbe oblystyq Densaýlyq saqtaý basqarmasynyń basshysy Nurbol Tympıevtiń aıtýynsha, qaza bolǵan áıel – dáriger. Ol eńbek demalysynda bolǵan.