Aqtóbede «Damý» qory ornalasqan ǵımarat opyrylyp, ortasyna tústi

AQTÓBE. QazAqparat - Aqtóbede «Damý» qory ornalasqan ǵımarat shatyry opyrylyp, ortasyna tústi. Zardap shekken eki adam aýrýhanaǵa jetkizildi, dep habarlaıdy QazAqparat tilshisi.

Oqıǵa 1 qyrkúıek kúni saǵat 19:25-te tirkeldi. Shaqyrtý ornyna 15 qyzmetker men 4 tehnıka jumyldyryldy.
«Damý» kásipkerlerdi qoldaý qory ornalasqan ǵımarat aýdany - 200 sharshy metr. Oqys jaǵdaı bolǵan kezde qutqarý jumystary júrgizildi. Qyzmetkerler bes adamǵa kómek kórsetti. Eki adam aýrýhanaǵa jetkizildi»,- dep habarlady oblystyq TJD baspasóz qyzmeti.
Aıta keteıik, Aqtóbe qalasynda ornalasqan eki qabatty ǵımaratta jóndeý jumystary júrgizilgen.

Aqtóbe oblystyq densaýlyq saqtaý basqarmasy basshysynyń orynbasary Bekbolat Іzbasarovtyń habarlaýynsha, bireýi jansaqtaý bóliminde jatyr. Jaǵdaıy asa aýyr. Al ekinshisi travmatolog dáriger qaraǵan soń úıine jiberildi.