Aqtóbede burynǵy áıelin qylǵyndyryp óltirgen aıyptalýshynyń isi sotta qaralyp jatyr

<p>AQTÓBE. KAZINFORM &ndash; Aqtóbe oblystyq qylmystyq ister jónindegi mamandandyrylǵan aýdanaralyq sotynda burynǵy áıelin óltirip, keıin ún-túnsiz ketip qalǵan aıyptalýshynyń isi qaralyp jatyr. Ol jazasyn ishinara moıyndap, qasaqana óltirmegenin aıtty.</p>

Oqıǵa bıyl 31 qańtardan 1 aqpanǵa qaraǵan túni bolǵan. Іs materıalyna súıensek, aıyptalýshy 2024 jyldyń 31 qańtar kúni saǵat 21:00 shamasynda buryn ajyrasqan 27 jastaǵy Aıbaný Saǵymbaevanyń úıine barady. Bul kezde jábirlenýshi Temir aýdany Sarkól aýyldyq okrýgi Shubarshı aýylynda úsh balasymen birge turǵan.

«Taksı júrgizýshisi Shubarshı eldimekenine jetken soń dúken aldyna kelip toqtaǵan. Aıyptalýshy ózine energetıkalyq sýsyn, salqyn shaı satyp alady. Keıin taksı júrgizýshisine dúken janynda kúte turýyn aıtady. Ózi jaıaý Aıdaný turatyn úıge barady. Ol 1 aqpan saǵat 00:40 shamasy bolatyn. Aıbaný Saǵymbaeva turatyn úıdiń terezesinen qaǵyp, turǵyn úıge emin-erkin kirgen. Kireberis bólmesinde sottalýshy ajyrasyp ketken jubaıy Saǵymbaevamen qaıtadan qosylǵysy kelip, ekeýi ózara otbasylyq máselesin sheshý úshin sóılesip turǵan. Sol sátte áńgime kelispeýshilikke aınalǵan. Saǵymbaeva óz kezeginde qaıta qosylý týraly usynysynan bas tartyp, úıdiń kireberis bólmesinde gaz plıtasyna shaı qoımaq boldy. Sottalýshy óziniń usynysynan bas tartqan burynǵy áıeliniń sózine yzalanyp, bolmashy sózin asa aýyr qylmys jasaýǵa sebep qylyp, ashýǵa salynyp, adam óltirý, ıaǵnı, basqa adamdy qasaqana qazaǵa ushyratý maqsatynda ózine teris qarap turǵan Saǵymbaevaǵa jaqyndap kelip, oń qolymen moıynan qushaqtap alý arqyly qysyp, tunshyqtyryp, tynys alýy toqtaǵanǵa deıin 2 mınýt ustap turady. Sot-medıtsına saraptama qorytyndysyna sáıkes qaıtys bolý sebebi mehanıkalyq asfeksııa dep tanyldy», - dedi prokýror Gýlzıra Kýcherbaeva.

Sot otyrysyna marqumnyń týǵan-týystary, baýyrlary qatysty. Olar eń aýyr jaza taǵaıyndaýdy surap otyr.

«Men Aıbaný Saǵymbaevanyń naǵashy apasy bolamyn. Qylmys qasqana jasaldy. Sińlim esigin ashqan. Shaı qoıyp jatqan kezde artynan qylǵyndyrǵan. Sińlim sol jerde qaıtys boldy. Ol qylmys jasap, Aqtóbege ketip qalǵan. Úıde 6 jáne 4 jastaǵy qyzdary, 3 jasar uly bolǵan. Tańerteń 6 jastaǵy qyzy ózge sińlime habarlasyp, «mamam oıanbaıdy, jatyr» dep aıtqan. Sodan sińlim men kúıeý balam barsa, tapjylmaı jatyr eken. Qylmysker eń aýyr jasasyn alsa deımiz», - dedi Gúlmaıram Saǵymbaeva.

Alǵashqy sot otyrysy kezinde aıyptalýshy kinásin ishinara moıyndady. Jábirlenýshi tarap suraǵan 25 mln teńge moraldyq shyǵyndy óteı almaıtynyn da qosa aıtty.

«Іshinara moıyndaımyn. Qasaqana jasaý oıymda bolǵan joq. Balalardy jetim qaldyrý oıymda bolmady. Ondaı aqsha mende joq. Óte kóp aqsha dep oılaımyn. Adam quny ólshenbeıdi, biraq qolymda bar aqshany beremin. Qazir qansha ekenin aıta almaımyn. Oıyma aqsha týraly eshteńe kelip turǵan joq», - dedi aıyptalýshy.

Aıta keteıik, is Qylmystyq kodekstiń 99-baby 1-bóligimen qaralyp jatyr.