Aqtóbede bir táýlik ishinde 30 kólik soqtyǵysyp, 4-eýi aýdaryldy

<p>AQTÓBE. KAZINFORM &ndash; Aqtóbe oblysynda qar jaýǵanda jolda jol-kólik apaty kóbeıdi. Bir táýlikte 30 kólik soqtyǵysyp, 4-eýi aýdaryldy.</p>

Aqtóbe oblysyndaǵy respýblıkalyq, oblystyq mańyzy bar joldarda eskertý jasaldy. Júrgizýshiler men jolaýshylardyń qaýipsizdigi úshin polıtsııa táýlik boıy kezekshilikke shyqty.

– Tártip saqshylary qozǵalysty retteıdi jáne qıyn jaǵdaıǵa túsken kólik júrgizýshilerine kómektesedi. Aýa raıynyń qolaısyzdyǵyna baılanysty bir kún ishinde oblys joldarynda 30 kólik soqtyǵysqan jáne 4 avtokólik aýdaryldy. Zardap shekkender joq. Sonyń ishinde Batys Qytaı - Batys Eýropa tasjolynda MAN markaly júk kóliginiń júrgizýshisi rýlge ıe bola almaı aýdaryldy. Júrgizýshi din aman, - dep habarlady Aqtóbe oblystyq PD baspasóz qyzmeti.

Eske salsaq, Aqtóbede kesheden bastap qar jaýyp tur. Qazirgi kezde shınomontajda kezek te kóbeıdi. Jumysshylar bul jyl saıyn qaıtalanatyn kórinis ekenin aıtty.