Aqtóbede borandy kúni dalada qalǵandar qutqaryldy
Aqtóbe oblystyq TJD baspasóz qyzmetiniń habarlaýynsha, Qarǵaly aýdany Badamsha aýylynan 7 shaqyrym jerdegi seriktestik jumysshylary dalada qalyp qoıǵan. Shaqyrtý ornyna qutqarýshylar jiberilip, 4 jumysshy qutqaryldy. Olar Badamsha aýylyna jetkizildi.
Sonymen birge Samara-Shymkent tasjolynyń Qobda aýylynan 80 shaqyrym qashyqtyqta jol-kólik oqıǵasy bolyp, qutqarýshylar bir adamdy aýylǵa jetkizdi.
«Qutqatý jumystary Hromtaý aýdany Abaı aýyly aýmaǵynda da júrgizildi. Jeńil avtokólik qar qursaýynda qalyp qoıǵan. Oqıǵa ornyna 3 adam tehnıka jiberildi. Toyota Land Cruise markaly jeńil avtokóliktiń joldan shyǵyp ketkeni anyqtaldy. Qutqarýshylar kómegimen 5 adam, onyń ishinde 3 balaǵa kómek kórsetildi. Aqtóbe oblysynyń TJ departamenti aýa raıynyń ózgerýin qadaǵalaýdy, eskertý kezinde jolǵa shyqpaýdy usynady»,- dep habarlady oblystyq TJD baspasóz qyzmeti.
Foto: Aqtóbe oblystyq TJD baspasóz qyzmeti