Aqtóbede bilim bólimi men partııa otyratyn ǵımarattyń shatyry jandy
13:24, 10 Qazan 2023
<p>Aqtóbe oblysy Alǵa qalasynda ǵımarattyń shatyrynan órt shyqty. Munda aýdandyq bilim bólimi, «Amanat» partııasynyń aýdandyq fılıaly ornalasqan, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi. </p>
Oqıǵa búgin saǵat 10:10-da tirkeldi. Alǵa aýdany Seıfýllın kóshesindegi ǵımarattyń shatyry jandy.
«Alǵa aýdany bilim bólimi, partııa qyzmetkerleri otyratyn ákimshilik ǵımarattyń shatyry janyp, órt sóndirý bóliminen 26 qyzmetker men 7 tehnıka shyqty. Órt sóndirýshiler baspaldaq arqyly 3 adamdy qutqaryp qaldy. Oqıǵa ornynda 34 adam evakýatsııalandy. Kommýnaldyq jáne jedel járdem qyzmetteri oqıǵa ornynda boldy. Zardap shekkender joq», — dep habarlady oblystyq TJD baspasóz qyzmeti.
Órt arada 40 mınýt ótkende sóndirilgen. Qazir negizgi sebebi anyqtalyp jatyr.
Aqtóbe oblystyq bilim basqarmasynyń basshysy Jaıyq Sultannyń aıtýynsha, qujattyń bári elektrondy.