Aqtóbede biliktilik sertıfıkatyn satyp alǵan pedagogterdiń isi tekserilip jatyr

<p><span style="font-size: 18pt; line-height: 107%; font-family: 'Times New Roman', serif; background: white;">Aqtóbede mektep dırektorlary men muǵalimder biliktilikti arttyrý testinen ótkenimen, bul qujaty jalǵan bolyp shyqty. Qazir satyp, paıda tapqandar jazalandy. Al oblystyq Bilim basqarmasy tizimge engen 800-ge jýyq pedagogtiń aty-jónin qaıta naqtylaýdy surap otyr, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi. </span><span style="font-size: 18pt; line-height: 107%; font-family: 'Times New Roman', serif;"><br style="box-sizing: border-box; white-space-collapse: preserve;" /><!-- [if !supportLineBreakNewLine]--><br /><!--[endif]--></span></p>

Aqtóbedegi pedagogterdiń jalǵan qujaty testileý ortalyǵyn tekserý kezinde anyqtalyp otyr. Qylmystyq is boıynsha tórt sottalýshy «Avtorlyq jáne (nemese) sabaqtas quqyqtardy buzý», «Ókilettikterdi teris paıdalaný», «Aqparatty quqyqqa syıymsyz joıý nemese túrlendirý» baptarymen aıypty dep tanylyp, jaýapqa tartyldy. Olar bas bostandyǵynan aıyrylǵan joq. Degenmen shyǵyndy tolyq óteý úkimi shyǵaryldy. Іs materıalyna súıensek, 2022 jyldyń maýsym-tamyz aılary aralyǵynda muǵalimder men mektep dırektorlaryn kedergisiz testileýden ótkizip, qyzmeti úshin aqsha alǵan. Bul mán-jaıdan Aqtóbe oblystyq Bilim basqarmasy habardar.

«Bul jóninde áli tolyq aıta almaımyz. QR UQK tarapynan tizim keldi. Ol – naqtylanbaǵan tizim. Óıtkeni ol tizimde testileýden múldem ótpegen adamdardyń aty-jóni júr. Sondyqtan da QR UQK-ne qaıta tizim berýdi, naqtylaýdy suradyq. Tizimdi kútip otyrmyz. Jalpy quzyrly organdardyń barlyǵyna, atap aıtar bolsam, QR Sybaılas jemqorlyqqa qarsy is-qımyl agenttiginiń oblystyq departamentine, prokýratýraǵa quqyqtyq baǵa berýdi suradyq. Ol pedagogterge qandaı shara qoldanýǵa bolatynyn surap otyrmyz», - dedi Aqtóbe oblystyq Bilim basqarmasy basshysynyń orynbasary Nurgúl Bertileýova.

Eger muǵalimderdiń kinási dáleldense, eki túrli shara qoldanylady. Birinshisi – pedagogterdiń sanatyn «pedagog» biliktilik sanatyna deıin tómendetý. Ekinshisi – bes jylǵa deıin qaıtadan biliktilik sanatyn kóterýge tyıym salý. Tizim naqtylanǵannan keıin Bilim basqarmasy osy eki sharany qoldanady.

«Ústemeaqyny bıýdjetke qaıtarýǵa baılanysty aıtar bolsam, tizim qolǵa alynǵanda esepteledi, keri qaıtarylady. Tizim boıynsha 885 adam bar. 800-ge jýyǵy – Aqtóbeniń adamy. Olar 2021-2022 jyldary aralyǵynda test tapsyrǵan. Muǵalim de, mektep dırektory da bar arasynda. «U-Study» JShS-ne qatysty tergeý júrip, sol kezde anyqtalyp otyr bul. Negizi pedagogterdiń biliktiligin baǵalaý protsesin Bilim basqarmasy baqylamaıdy. Sanatyn kóterý eki kezeńnen turady. Birinshisi, bilimin baǵalaý, ıaǵnı, testileý. Ekinshisi jetistikteri týraly partfolıo jınaqtaý. Ekinshisin ǵana bilim basqarmasyna tapsyrady. Al testileý «U-Study» JShS men QR Oqý-aǵartý mınıstrligi arasyndaǵy memlekettik-jekemenshik seriktestik aıasynda júrgiziledi. Olar táýelsiz. Bilim basqarmasy olardyń jumysyna aralasa almaıdy», - dedi Nurgúl Bertileýova.