Aqtóbede bıyl 9 myńǵa jýyq adam qonys toıyn toılaıdy
2020 jyly Aqtóbede taǵy 1 mln sharshy metr turǵyn úı nemese 9 myń jańa páter paıdalanýǵa beriledi.
«Halyqtyń ómir súrý sapasyn arttyrýdyń mańyzdy faktory – qoljetimdi baǵamen
sapaly turǵyn úı salý. 2019 jyly qurylys jumystaryna 194 mlrd teńge jumsalǵan. Aýdany 1 mln sharshy metrden astam turǵyn úı paıdalanýǵa berildi. Bul - oblys úshin rekordtyq deńgeı. Byltyr jeke turǵyn úı qurylysy úshin 1600-den astam jer telimi bólindi. Olarǵa 305 shaqyrym ınjenerlik-kommýnaldyq jeli júrgizildi. «Nurly jer» memlekettik baǵdarlamasy boıynsha Aqtóbe qalasy men Temir, Mártók, Baıǵanın, Shalqar aýdandarynda jalpy alańy 22,7 myń sharshy metr bolatyn jalǵa beriletin 7 kommýnaldyq turǵyn úıdiń qurylysy aıaqtaldy», - dedi óńir basshysy Ońdasyn Orazalın.
Aıta keteıik «Nurly jer» memlekettik baǵdarlamasy aıasynda kezekte turǵan 1 302 otbasy turǵyn úımen qamtamasyz etildi. Olardyń arasynda jetim balalar, kópbalaly
otbasy, halyqtyń áleýmettik osal tobyna kiretin azamattar bar.
Al «Baqytty otbasy» baǵdarlamasy boıynsha 264 turǵyn úı sertıfıkaty berildi. 2020 jyly turǵyn úı qurylystaryna 215 mlrd teńge qarjy jumsalady. Barlyǵy 122 kópbalaly otbasyna turǵyn úı satyp alý úshin 1 mlrd teńge kóleminde qarjy qarastyrylǵan.
«Nurly jer» baǵdarlamasy aıasynda jeke turǵyn úı qurylysy úshin 563 shaqyrym ınjenerlik-kommýnaldyq jeli tartylady.