Aqtóbede bıyl 53 myń jumyssyzdy eńbekke aralastyrý mindetteldi

AQTÓBE. QazAqparat - Aqtóbede 53 myń jumyssyzdy jáne ózin-ózi jumyspen qamtyp otyrǵandy eńbekke aralastyrý kerek. Jospardyń 87% oryndaldy, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Aqtóbe oblystyq jumyspen qamtýdy úılestirý jáne áleýmettik baǵdardamalar basqarmasynyń basshysy Aslanbek​ Shúıinshálıev halyqty jumyspen qamtý jáne jumyssyzdyq deńgeıin tómendetý jónindegi «Eńbek» baǵdarlamasynyń júzege asyrylýy oń nátıje berip jatqanyn aıtty.

9 aıdyń qorytyndysy boıynsha 32 myńnan astam jańa jumys orny ashylsa, onyń 15,6 myńnan astamy turaqty.

«Bıyl 53​ 477 jumyssyz ben ózin-ózi jumyspen qamtyp otyrǵan adamdardy eńbekke aralastyrý jospardandy. Jospar 87% oryndalyp, 46​ 558 adam qamtyldy. Atap aıtqanda 2 myńnan asa adam tehnıkalyq jáne kásibı, sonyń ishinde qysqa merzimdi oqýǵa jiberildi. «Bıznes bastaý» jobasymen kásipkerlik negizderin 1498 adam oqyp, taǵy 1255 adam bıznes ıdeıalaryn júzege asyrý úshin jalpy somasy ​ 695,4 mln teńgege qaıtarymsyz grant aldy»,- dedi Aslanbek ​ Shúıinshálıev.

Jıyn sońynda oblys ákimi Ońdasyn Orazalın jumyssyzdyq deńgeıin tómendetýge qatysty birqatar tapsyrma berdi. Sonyń ishinde aýdan, aýylda turaqty jumys oryndaryn ashý mindetteldi.