Aqtóbede bıyl 1370 adamnan qaterli isik anyqtaldy
M.Ospanov atyndaǵy Batys Qazaqstan medıtsına ýnıversıtetiniń medıtsına ortalyǵynda sút bezderiniń qaterli isigin aldyn alyp, erte anyqtaý úshin ashyq esik kúni ótti. «Qyzǵylt qazan» aılyǵy aıasynda qala turǵyndaryn onkomammolog dárigeri qabyldap, keńes berdi. Sonymen qatar kórsetkishter boıynsha mammografııalyq jáne ýltradybystyq zertteýler júrgizildi.
- Sút bezderiniń qaterli isigi áıelder arasynda jıi kezdesetin onkologııalyq aýrýlardyń biri. Aýrýdyń negizgi belgisi — sút bezderi tininde bir nemese birneshe isik túzilimderiniń paıda bolýy. Ashyq esik kúninde 76 áıel dárigerlik keńes alyp, 35 áıelge ýltradybystyq jáne mammografııalyq zertteýler júrgizildi. 29 áıelde mastopatııa anyqtaldy. Bul — tinderdiń patologııalyq ósýimen qatar júretin sút bezi aýrýy. Bıyl 9 aıdyń qorytyndysy boıynsha 1370 adamnan qaterli isik anyqtaldy. ıAǵnı 350 naýqas І, 544 naýqas ІІ, 309 naýqas ІІІ, 97 naýqas ІV satymen tirkeldi. Ótken jyldyń osy kezeńimen salystyrǵanda syrqattanýshylyq 5,4% tómendedi. Jańa tehnologııalardyń engizilýi, ortalyqtyń materıaldyq-tehnıkalyq bazasynyń jaqsarýy men dárigerlerdiń kásibı biliktiliginiń artýy naýqastarǵa júrgizilip jatqan emniń tıimdiligine áser etti, - dedi Medıtsına ortalyǵynyń onkologııalyq qyzmet úılestirýshisi Oljas Orazaev.
Eske salsaq, Medıtsınalyq ortalyq jylyna birneshe ret ashyq esik kúnin ótkizedi. Jalpy Qazaqstanda qaterli isikti emdeýge arnalǵan taǵy eki preparatty bıyl shyǵarady.