Aqtóbede «Batyr ana» ári tyl ardageri turǵyn úı kezegindegi sanatyn sot arqyly dáleldedi
Aqtóbelik turǵynǵa 1974 jyly «Batyr ana» ataǵy beriledi. Al, 2009 jyly oǵan tyl ardageri mártebesin alǵan. Aqtóbe oblysynyń mamandandyrylǵan aýdanaralyq ákimshilik sotynyń baspasóz qyzmetiniń habarlaýynsha, zeınetker soǵys múgedekteri men qatysýshylaryna teńestirilgen adamdar qataryna jatady.
– 2010 jyly talap qoıýshy jasyna qaraı zeınetke shyqqan zeınetkerler sanaty jáne soǵys múgedekteri men qatysýshylaryna teńestirilgen adamdar sanaty boıynsha memlekettik turǵyn úıge muqtajdar tizimine engizildi. Zeınetker memlekettik organǵa aryz joldap, óz kezegin «Batyr ana» sanatyna aýystyrýdy suraǵan. Jaýapker «Batyr ana» sanatyna aýystyrýǵa negiz joq jáne bul sanatqa tirkeletin bolsa, kezektilik nómeri qaıta bastalady degen ýájder keltirgen. Batyr ana Aqtóbe oblysynyń mamandandyrylǵan aýdanaralyq ákimshilik sotyna júgindi. QR «Turǵyn úı qatynastary týraly» Zańynyń1997 jylǵy redaktsııasynda «Batyr ana» sanaty bolmaǵan, olardyń bólek tizimi júrgizilmegen. Alaıda 2019 jylda atalǵan Zańǵa ózgertýler engilizilip, «Altyn alqa», «Kúmis alqa» ıeleri nemese buryn «Batyr ana» ataǵyn alǵan tulǵalardy turǵyn jaımen birinshi kezekte qamtamasyz etý kózdelgen. Osydan bastap memlekettik organ arnaıy tizim jasaýy kerek edi. Sot 2011-2023 jyldar aralyǵynda kezektiń jyljý dınamıkasyn zerdelep, tizimniń tıisti túrde rásimdelmeıtinin, retsiz jáne saýatsyz júrgizilip otyrǵanyn anyqtady. Saldarynan talap qoıýshy 89 jastaǵy az qamtylǵan zeınetker, Batyr ana jáne tyl ardageri 14 jyldan beri memleket tarapynan úımen qamtamasyz etilmegen, - dep habarlady Aqtóbe oblysynyń mamandandyrylǵan aýdanaralyq ákimshilik sotynyń baspasóz qyzmeti.
Sot zeınetkerdiń quqyǵyn qorǵap, «Batyr ana» retinde memlekettik turǵyn úıdi alýǵa birinshi kezektilik tizimine aýystyrýdy mindettedi. Sot sheshimi zańdy kúshine endi jáne oryndaldy.
Eske salsaq, Aqtóbede turǵyn úı salýǵa jer berýge 2019 jyly moratorıı jarııalandy.