Aqtóbede balasyn qorǵaǵan ananyń eki aıaǵyn ıt qaýyp aldy
Aqtóbe qalasynda mektep oqýshysyn ıt talap óltirip, ata-anasy ıt ıesin jazalaýdy suraǵan edi.
Qazirgi kezde osy iske qatysty tergeý júrip jatqanymen, sot-medıtsınalyq saraptamasy áli belgisiz.
Arada bir aıdan astam ýaqyt ótkende Eset batyr turǵyn alabynda taǵy bir balaǵa ıt júgirip, anasy ony qorǵap qaldy.
«It meniń apamdy qaýyp aldy. Qazir jaǵdaıy jaqsy. Biraq kún saıyn dárigerge baryp, jarasyn tańyp alady. Sebebi aıaq isip, ıt tistegen jeri qanap qalady. Oqıǵany estigen kezde ózim polıtsııaǵa, 109 nómirine habar berdim. Polıtsııa kelip, aryzymyzdy qabyldady. Al 109 jedel qyzmet kórsetý nómirinen eshqandaı habar joq», - dedi zardap shekken qala turǵynynyń inisi Álibı Nurjan.
Onyń aıtýynsha, ıt balaǵa júgirgen. Anasy qolyna kóterip alǵan kezde aıaǵyn tistegen.
«Itti ustady dep aıta almaımyn. Sebebi keshe ǵana ózim júrgende birneshe ıt sońymnan erdi», - dedi ol.
Aqtóbe oblystyq veterınarııa basqarmasy jańa talap kúshine engen kezde ıtti ustaý, tasymaldaý, uryqsyzdardyrýǵa barlyǵy 140 mln teńge qarjy qajet ekenin aıtty.
«Bul jerde jalpy qoǵamnyń jaýapkershiligi kerek. Qurylysshy, sol jerdiń kúzetshisi nemese kóshedegi basqa adamdar bolsa da mańyzyn túsinýimiz qajet. Birinshiden, zańnyń saqtalýy mańyzdy, ekinshiden qaýip tóngen kezde birden 109 nómirine qońyraý shalý mindetti. Odan keıin oblystyq veterınarııa basqarmasyna, veterınarııa stansasyna joldanady. Aýlaý jumystary sol kezde atqarylady. It te tiri janýar. Habarlama túskenimen barǵanda taba almaı qalyp jatamyz. Qańǵybas ıttiń adamǵa shabýy birden sheshile qoıady dep aıta almaımyn. Biz qazir uryqsyzdandyramyz, chıp salamyz. Jospar boıynsha 2-3 jylda tolyq piship bolýymyz kerek. Sodan keıin ol kóbeımeıdi. ıAǵnı, tabıǵı azaıý protsesi júrýi kerek», - dedi oblystyq veterınarııa basqarmasynyń basshysy Quraıyn Sársembaı.
Qazirgi kezde zańǵa qajetti normatıvtik-quqyqtyq akti ázirlenip jatyr. Soǵan sáıkes qarjy bólinedi.
Quraıyn Sársembaıdyń aıtýynsha, aýdandar boıynsha bir ıtke 14 100 teńge, qala boıynsha 14 800 teńge jumsalýy múmkin.
«Ustaý, tasymaldaý, uryqsyzdandyrý, chıp salýǵa 140 mln teńge surap otyrmyz. Negizi jylyna 300 mln tg kerek. Jumys sapaly bolsa, qajet qarjy azaıady. Sebebi ıtti ustaǵanda pishtiremiz. Urǵashy ıtti 15 kún, atylyǵyn bir apta ustaımyz. Veterınarlyq tekserýden ótkizip, syrǵasyn salyp qaıta jiberemiz. Maman retinde odan keıin de qaýipti bolmaıdy dep aıta almaımyn. Sebebi balaǵa, adamǵa ash bolǵan soń júgiredi. Olardyń bári ash, tamaq jegisi keledi. Sol sebepten osyndaı jaǵdaıǵa tap bolamyz. Qańǵybas ıtterdiń kóbi qurylys alańynda qazir Aqtóbede. Bul suraq birneshe ret kóterildi. Eń kóp aýlanǵan jeri Aqtóbeniń Eset batyr turǵyn alaby, Batys-2 shaǵyn aýdanynda. Qurylys jeke menshik terrıtorııa bolǵan soń keıde kire almaımyz. Ol da kedergi. Qaıǵyly jaǵdaıdan keıin qurylys alańdaryna polıtsııamen birge baryp, aralap júrmiz», - dedi Quraıyn Sársembaı.