Aqtóbede balalardy zańsyz jumysqa salǵandar jazalandy

AQTÓBE. QazAqparat – Aqtóbede mektep oqýshylary dámhanada daıashy, kólik jýý orynda tazalyqshy bolyp júr, dep habarlaıdy QazAqparat tilshisi.

«Bala eńbegin paıdalanýǵa qarsy 12 kún kúres» respýblıkalyq sharasy aıasynda oblystyq polıtsııa departamentiniń «Jasóspirim» jedel aldyn alý aktsııasy bastaldy.

ıÝvenaldy polıtsııa ınspektorlary aýlalarda, saıabaqtarda jáne jastar kóp jınalatyn oryndarynda, oıyn-saýyq oryndarynda reıd júrgizdi.

Birinshi kúni qalalyq jáne aýdandyq polıtsııa bólimderine barlyǵy 74 jasóspirim jetkizildi. Ony ekeýi beıimdeý ortalyǵyna ornalastyryldy.

«150-den astam kásipkerlik obektisi tekserildi. Onyń ishinde qurylys, tehnıkalyq qyzmet ortalyǵy, kólik jýý, dámhana, bazar bar. Nátıjesinde bala eńbegin paıdalanýdyń 3 faktisi anyqtaldy. Kámelet jasyna tolmaǵan 19 bala jáne 15 qolaısyz otbasy arnaıy tirkeýge alyndy. Aqtóbe qalasynda ornalasqan kólik jýý ornynda kámeletke tolmaǵan úsh jasóspirim anyqtaldy. Onyń biri - 9-synyp, ekeýi -11-synyp oqýshysy. Hromtaý qalasynda Aqjar orta mektebiniń oqýshysy daıashy bolyp jumys istep júr. Zańdy ókiline ákimshilik hattama toltyryldy. Jeke kásipkerige de eskertý berildi», - deıdi oblystyq PD baspasóz qyzmetiniń jetekshisi Erbolat Sarqulov.

Anyqtalǵan faktiler boıynsha eńbek ınspektsııasyna ótinish joldanǵan.