Aqtóbede balalardyń betine buryshty gaz shashqan jasóspirim jábirlenýshi tarappen tatýlasty

<p>AQTÓBE. KAZINFORM &ndash; Aqtóbe qalasyndaǵy kópirdiń ústinde balalardyń betine buryshty gaz shashyp, keıin shekarada ustalǵan jasóspirim jazadan qutylyp ketti. Qylmystyq is toqtatyldy.</p>

Aqtóbe oblystyq sotynyń baspasóz qyzmetiniń habarlaýynsha, qazirgi kezde qylmystyq is qysqartyldy. Sebebi eki tarap tatýlasty. Aqtóbe oblystyq PD baspasóz qyzmeti de istiń qysqartylǵanyn habarlady. 

Eske salsaq, bıyl Reseıden Qazaqstanǵa jazǵy demalysqa kelgen jasóspirim 11 shaǵyn aýdandaǵy kópir ústinde júrgen balalarǵa qutydaǵy gaz ballonyn shashyp, qashyp ketti. Jedel-izdestirý is-sharalaryn júrgizý barysynda Aqtóbe oblysynyń polıtsııa qyzmetkerleri shekaradan ótpek bolǵan kámeletke tolmaǵan kúdiktini ustady. 

Qylmystyq kodekstiń «Tonaý», «Buzaqylyq» baptary boıynsha sanktsııalaý týraly ótinish hat tústi. Qylmystyq is materıalyna súıensek, jasóspirim ishimdik ishken kúıi kámeletke tolmaǵan «K»-niń aıaq kıimin alyp ketken. Oǵan keltirilgen shyǵyn kólemi – 16 myń teńge. Keıin «A» buzaqylyq jasap, qolyndaǵy buryshty gaz ballonyn «V» esimdi balanyń betine shashady. Aqtóbe oblystyq mamandandyrylǵan tergeý soty balalardyń betine buryshty gaz shashyp, qoǵam ishinde rezonans týdyrǵan jasóspirimdi eki aıǵa qamaýǵa aldy.