Aqtóbede balalar men qarııalar arasynda tumaýmen aýyrǵandar kóbeıdi
Aqtóbe óńirlik kommýnıkatsııalar qyzmetinde koronavırýs ınfektsııasyna qatysty jalpy ahýal týraly aıtyldy. Ótken táýlikte óńirde 9 adamnan koronavırýs ınfektsııasy anyqtaldy. Onyń jeteýi Aqtóbe qalasynyń turǵyny bolsa, Mártók pen Alǵa aýdanynda da indetke shaldyqqandar tirkeldi. Kóbi naýqastarmen qarym-qatynasta bolǵan. Oblystyq sanıtarııalyq-epıdemıologııalyq baqylaý departamentiniń málimetine súıensek, aýrýshańdyqtyń ósý deńgeıi 0,3% qurady. Óńirde barlyǵy 3502 jaǵdaı tirkeldi. Onyń 95 paıyzy jazyldy.
«Aqtóbe oblysy boıynsha 15 adam koronavırýs ınfektsııasynan emdelip jatyr. Aýrýhanada jatqan naýqastardyń ekeýi ókpeni jasandy jeldetý apparatyna qosylǵan. Sonymen birge pnevmonııaǵa shaldyqqan 64 adam emdeý mekemelerindegi dárigerler baqylaýyna alyndy. Kóbi Aqtóbe qalasynyń turǵyny. Bireýi ókpeni jasandy jeldetý apparatyna qosyldy», - dedi Aqtóbe oblysy densaýlyq saqtaý basqarma basshysynyń orynbasary -
Bekbolat Іzbasarov.
Epıdemıolog dárigerler tumaý men JRVI-ge qatysty jaǵdaıdy da baqylaýǵa alǵan.
«26-qarasha men 2-jeltoqsan arasynda 440 adam JRVI shaldyqty. Kórsetkish 50,8% qurap otyr. Onyń 182-si 14 jasqa deıingi balalar. Sonymen birge naýqastardyń jeteýi bir jasqa tolmaǵan, tórteýi júkti kelinshek. Balalar men jasy 60-tan asqan adamdar arasynda kórsetkish joǵary. Qazir 24 naýqas aýrýhanada em qabyldap jatyr. Bireýi júkti áıel, beseýiniń jasy 1-ge tolmaǵan», - dedi Aqtóbe oblysynyń sanıtarlyq-epıdemıologııalyq baqylaý departamenti basshysynyń orynbasary Muhtar Serbaev.