Aqtóbede balalar arasynda tumaý órship tur

AQTÓBE. QazAqparat – Aqtóbede balalar aýrýhanalaryndaǵy tósek-oryn júktemese 96,3% asty. Qazir balalar arasynda jedel respıratorlyq vırýstyq ınfektsııa kóbeıgen, dep habarlaıdy QazAqparat tilshisi.

Aqtóbe oblysynda bir táýlikte 19 adamnan koronavırýs ınfektsııasy anyqtaldy. Onyń 16-y vırýstyń sımtomdy túrine shaldyqqan.

«Aqtóbedegi ınfektsııalyq statsıonarlarda 149 adam em alyp jatyr. Onyń 25-i jansaqtaý bóliminde. Sonymen birge 23 baladan COVID-19 anyqtalyp, olar ambýlatorlyq baqylaýǵaa alyndy. Al eki júkti kelinshek ınfektsııalyq statsıonarda emdelip jatyr. Qazir maýsymdyq jedel respıratorlyq vırýstyq ınfektsııa kóbeıdi. Kúz ben kóktemde osylaı bolady. Balalar aýrýhanasyndaǵy tósek oryn-júktemesi 96,3% qurap otyr. Onyń 70% bir jasqa tolmaǵan sábı. Ata-ana balasyn alyp, óz betimen birden aýrýhanaǵa baryp jatyr. Bul durys emes. Aldymen ýchaskelik dárigerge qaralýy kerek», - dedi oblystyq densaýlyq saqtaý basqarmasy bóliminiń bas mamany Asııa Trjanova. Onyń aıtýynsha, balalarǵa qajetti dári-dármek emhanalarda bar. Ýchaskelik dárigerler emdeý ornyndaǵy, tegin dári-dármek tizimine kiretin dárine berýge mindetti.

Aıta keteıik, búginge deıin Aqtóbede 35 myńǵa jýyq adamnan koronavırýs ınfektsııasy anyqtaldy. Onyń 98 % jazyldy.