Aqtóbede balabaqsha tárbıeshisi jastan asqan balany urdy degen kúdikke ilikti

<p>Aqtóbede 1 jastan asqan ıAsmınniń ata-anasy polıtsııaǵa aryz jazyp, qyzynyń balabaqshada taıaq jegenin aıtyp otyr. Qazirgi kezde tergeý júrip jatyr, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

Esenjolovtar otbasynyń tuńǵyshy ıAsmın 1 jastan asqanda balabaqshaǵa bardy. Anasy alǵashqy eki kúnde túske deıin qaldyryp, keıin kúni boıy kútý tártibine aýystyrdy. Sol kúni-aq tárbıeshi balany urǵanyn aıtyp, shaǵym túsirip otyr.

«Qyzym ıAsmın 1 jas 3 aıda. Jas otbasymyz. Jumysqa kiriseıik, bir-birimizge demeý bolaıyq dep qyzymyzdy balabaqshaǵa berdik. Aqyly balabaqsha. Qazirgi ataýy - «Samıra». Barǵan kezde meńgerýshisi bárin kórsetiptanystyrdy. Maǵan, kúıeýime qatty unady. 5 qyrkúıek kúni balabaqshaǵa apardym. Eki kún baqylaý júrip, túste alyp kettim. Qyzym balabaqshaǵa barǵan kúnnen bastap túnde shoshynyp oıandy, keıde shyńǵyrady. Sosyn otyryp, qusady. Anama habarlasyp suradym. Úırenedi degen soń mán bermedim. 16-qyrkúıek kúni saýda ornyna baryp, kıim almaq boldym balaǵa. Bir kelinshek kelip, «Samıra» balabaqshasyna baryp-barmaıtynyn surady. Maǵan qyzyq boldy. «Bermeı-aq qoıyńyzshy» degen soń sebebin suradym. Ol sol jerde 3 kún tárbıeshi bolǵan eken. Qyzymdy tanydy. Onyń taıaq jegenin aıtty. «Urdy, laqtyrdy, ájethanaǵa aparyp urdy» dep tur. Estigende aıaq-qolym dirildep turdy. Kýáger bolýǵa kelisken soń sol jerde turyp 102 nómirine habar berdim»,- dedi Nazıra Nádirbaı.

Onyń aıtýynsha, polıtsııa bólimshesine balabaqsha meńgerýshisi, tárbıeshi shaqyrylǵan. Keıin polıtsııa beınebaqylaý kamerasyn qarap, derek rastaldy.

«Kameradan qaraǵanda urǵany kórinip tur. Basqa balalardy urǵan da shyǵar, maǵan kórsetpedi. Men de qaradym. Qyzym kereýette otyrǵanda basynan urǵan eken. Ári qaraı kóre almadym. Apaıy jalyp, keshirim surady sodan keıin. Birden emhanaǵa bardym. Bala bas-mı jaraqatyn alǵan. Úıge adamdar kelip, isti jabýdy surady. Jan-jaqtan habarlasty. Jumystan shyǵartyp jibergen. Moraldyq shyǵyndy 3 mln teńge dep suradym. Balabaqsha 2 mln teńge, tárbıeshige 1 mln teńge dep aıttym»,- dedi Nazıra Nádirbaı. Ózi mýzyka pániniń muǵalimi, al joldasym «Kúzet» qyzmetinde isteıdi. Bul oqıǵadan Aqtóbe qalalyq bilim bólimi habardar.
«Bizge polıtsııadan habar keldi. Endi biz zerdeleýge baramyz. Negizi bul balabaqsha memlekettik tapsyrys alady. Zerdeleý kezinde sonyń oryndalýy, oqý protsesiniń júrgizilýi qaralady. Erteń tańnan bastaımyz»,- dedi qalalyq bilim bóliminiń basshysy Metkúl Qosymbaeva. Al balabaqsha tárbıeshisi óziniń qalada emes ekenin aıtqanymen, ózine taǵylǵan aıypqa qatysty qandaı da bir pikir bildirýden bas tartty.

Aqtóbe oblystyq PD baspasóz qyzmeti, shaǵym túskenin, barlyq materıaldyń qalalyq bilim bólimine joldanǵanyn habarlady.
Keıin aryz túsirgen Nazıra Nádirbaı ortaq kelisimge kelip, aryzyn qaıtaryp alǵanyn aıtty.