Aqtóbede ájesi men neremesin kólik qaǵyp ketti

AQTÓBE. QazAqparat – Aqtóbe qalasynda jaıaý júrginshiler ótkelinde qarııa men onyń nemeresin kólik qaǵyp ketti. Zeınetker oqıǵa ornynda kóz jumdy, dep habarlaıdy QazAqparat tilshisi.

Oqıǵa búgin Aqtóbe qalasyndaǵy Qonaev pen Qulymbetov kósheleriniń qıylysynda boldy. Oblystyq Polıtsııa departamenti baspasóz qyzmetiniń málimetinshe, «Nissan Almera» markaly avtokóliktiń 35 jastaǵy júrgizýshisi jaıaý júrginshiler ótkelinde 63 jastaǵy áıel men kámeletke tolmaǵan nemeresin qaǵyp ketti.

«Jol-kólik oqıǵasy saldarynan áıel oqıǵa ornynda kóz jumdy, al kámeletke tolmaǵan bala Aqtóbe qalasynyń balalar aýrýhanasyna jetkizildi. Onda balaǵa alǵashqy medıtsınalyq kómek kórsetilip, keıin úıine jiberildi. Qazirgi ýaqytta Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha tergeý áreketteri júrgizilip jatyr. Al júrgizýshi Aqtóbe qalasy polıtsııa basqarmasynyń ýaqytsha ustaý ızolıatoryna qamaldy», - dep habarlady oblystyq PD baspasóz qyzmetinen.

Foto: polisia.kz