Aqtóbede áıeldi kepilge alý isi boıynsha kúdikti eki aıǵa qamaldy

<p>AQTÓBE. KAZINFORM &mdash; Aqtóbede áıeldi kepilge alǵan kúdikti qamaldy. Tergeý soty eki aıǵa qamaý týraly sanktsııa shyǵardy.</p>

Aqtóbe oblystyq sotynyń baspasóz qyzmetiniń habarlaýynsha, búgin kúdikti eki aıǵa qamaldy. Tergeý soty sanktsııa shyǵardy.

Al jábirlenýshi áıel em qabyldaýyn jalǵastyryp jatyr.

— Naýqas oblystyq kópsalaly aýrýhanada em alýyn jalǵastyryp jatyr. Jaǵdaıy turaqty, saýyǵyp keledi. Naýqaspen psıhologtar jumys istep jatyr, — dedi oblystyq densaýlyq saqtaý basqarmasynyń baspasóz qyzmeti.

Aıta keteıik, jábirlenýshi áıeldiń marqum ata-anasy búgin jerlendi. Olardyń denesi óz úılerinen shyǵaryldy.

Eske salsaq, 13 qańtar kúni túnde Aqtóbede túnde 75 jáne 67 jastaǵy qos qarııa kóz jumdy. Osy oqıǵadan soń Qylmystyq kodekstiń «Adam óltirý», «Adamdy kepilge alý» baptary boıynsha is qozǵalyp, tergeý júrip jatyr.