Aqtóbede aýyzashar ótkizgenderge aıyppul salyndy
02:14, 24 Sáýir 2021
AQTÓBE. QazAqparat - Aqtóbede aýyzasharǵa barǵan bir top isker áıeldiń aty-jóni anyqtalyp, barlyǵyna aıyppul salyndy, dep habarlaıdy QazAqparat tilshisi.
Aqtóbe qalalyq máslıhat hatshysy Anar Darjanova men óńirlik kásipkerler palatasynyń dırektory Sulýpan Shyntasova qatysqan aýyzashar kópshilik talqysyna tústi.
Kóp uzamaı isti tekserý úshin monıtorıng topqa beınematerıal jiberildi.
«Monıtorıngtik toptan búgin materıal tústi. Materıalǵa sáıkes ujymdyq aýyzashar ótkizip, oǵan qatysqandary úshin QR «Ákimshilik quqyq buzýshylyq týraly» Kodeksiniń 425-baby 1-bóligi boıynsha 15 adamǵa hattama toltyrylyp, árqaısyna 43 755 teńge kóleminde aıyppul salyndy. Sonymen qosa, qalǵan 5 adamǵa jáne aýyzashar ótken qoǵamdyq tamaqtaný ornynyń ıesi hattama toltyrý úshin shaqyryldy»,- dep habarlady oblystyq sanıtarııalyq-epıdemıologııalyq baqylaý departamentiniń baspasóz qyzmeti.