Aqtóbede aýyldardy saqtap qalý úshin 41 mektep salý josparlanyp otyr

<p>2028 jylǵa deıin Aqtóbe oblysyndaǵy eldi mekenderde 41 mektep salynbaq. Bul týraly Aqtóbe oblystyq bilim basqarmasynyń basshysy Jaıyq Sultan óńirlik kommnıkatsııalar qyzmetinde ótken baspasóz máslıhatynda aıtty, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a>.</p>

Aqtóbe oblysynda 400-den astam mektep bar. Bul rette tipti, halqy 15-20-dan aspaıtyn, mektep jasyndaǵy 5-6 ǵana balasy bar eldi mekender de umyt qalǵan joq. Olarǵa mektep salý úshin úsh jyldyq jospar ázirlendi.

- Aqtóbedegi 60 eldi mekende mektep joq. Ol jerdegi turǵyndardyń balalary ınternatqa jatqyzylady, jaqyn mańdaǵy aýyldarǵa tasymaldanady. Ol eldi mekende turǵyndar sany 15-30 bolady. 5-6 bala bolsa, mektep asha almaımyz, olar kórshi aýyldarǵa qatynap oqıdy. Degenmen biz aýyldy saqtap qalý úshin aldaǵy ýaqytta 41 mektep salýdy josparlap otyrmyz. Aýyl halqy aýyl sharýashylyǵyn damytyp, el damýyna úles qosyp otyr. Sol sebepti biz de olardyń balalaryna bilim alýǵa jaǵdaı jasaýymyz kerek. Bilim sapasymen qatar qoljetimdilikti de umytpaýymyz qajet. Biz úsh kezeńge bóldik. 2028 jyly bul jumys aıaqtalady dep josparlaımyz»,- dedi Aqtóbe oblystyq bilim basqarmasynyń basshysy Jaıyq Sultan.

Jalpy Aqtóbe oblysy boıynsha «Jaıly mektep» jobasy aıasynda 18 mektep salynady. Onyń 14-i oblys ortalyǵynda.