Aqtóbede aýyl turǵyny kóligimen birge sýǵa aǵyp kete jazdady

<p>AQTÓBE. KAZINFORM - Aqtóbe oblysy Yrǵyz aýdany Sheńbertal aýylyndaǵy ótkelden ótpek bolǵan kólik ıesimen birge sýǵa aǵyp ketýge shaq qaldy. Ony shyǵarýǵa traktor qajet boldy.</p>

Oqıǵa 23 naýryz kúni Yrǵyz aýdany Qyzyljar aýyldyq okrýgi Sheńbertal aýylynyń janyndaǵy Pushyǵan ótkelinde boldy.

Vıdeodan jeńil kóliktiń ótkel jaǵasyna kelip, toqtap qalǵanyn kórýge bolady. Qatty aǵys kezinde adam emes, tehnıka kúshi qajet boldy.

- Vıdeodaǵy kólik - Qurylys aýyly turǵynynyń kóligi. Ótkelden ótpek bolǵan kólik jaǵaǵa jaqyndaǵanda turyp qalǵan. Qosymsha tehnıkanyń kúshimen sýdan shyǵaryldy. Adam aman, eldi mekenge qaýip joq. Yrǵyz aýdanynyń ákimdigi jáne aýyldyq okrýgi ákimshiligi qar erip, sý keler ýaqytta aldyn-ala túsindirý jumystaryn júrgizdi, sý tasqynynyń qaýipti ekenin aıtyp keledi. Alaıda kóliktiń sýda qalýy turǵynnyń eskertýge qulaq aspaǵandyǵynan týyndap otyr. Sondyqtan, barlyq azamattan eskertýge beı-jaı qaramaýdy suraımyz. Qazirgi tańda barlyq ózen jaǵalaýy baqylaýda,- dep habarlady Aqtóbe oblysy ákiminiń baspasóz qyzmeti.

Eske salsaq, Aqtóbe oblysy boıynsha qazir 15 eldemekende sý basý qaýpi áli seıilmedi.