Aqtóbede ata-ana qamqorlyǵynsyz qalǵandarǵa páter beriledi
Aqtóbe qalalyq turǵyn úı qatynastary bóliminiń basshysy Jandos Álimov páter berý jumysyn baıandady. Qazir qalada 24 740 otbasy kezekte tur. Onyń ishinde Ekinshi dúnıejúzilik soǵys múgedekteri men qatysýshylary, jetim jáne ata-anasynyń qamqorlyǵynsyz qalǵan balalar, «Altyn alqa», «Kúmis alqa» ıegerleri, kópbalaly otbasylar, halyqtyń áleýmettik jaǵynan osal toby, memlekettik qyzmetshiler, áskerı qyzmetshiler bar.
«Nur Aqtóbe» shaǵyn aýdanynda 353 páterlik 2 turǵyn úıdiń qurylysy aıaqtaldy. Atalǵan turǵyn úılerdiń ınjenerlik jelilerin tartý jumystary aıaqtalǵannan keıin kezegi kelgen 353 otbasy baspanamen qamtylady. 46 páter jetim balalarǵa beriledi», - dedi Aqtóbe qalasynyń turǵyn úı qatynastar bóliminiń basshysv Jandos Álimov.
«Aqtóbe - adaldyq alańy» jobalyq keńsesinde azamattardy turǵyn úımen qamtamasyz etý jónindegi memlekettik qoldaý sharalarynyń iske asyrylýy talqylandy. Spıker memlekettik turǵyn úı qorynan beriletin turǵyn úıge nemese jeke turǵyn úı qorynan jaldaǵan turǵyn úıge muqtaj azamattardy esepke alý, kezekke qoıý jáne berý týraly baıandady. Bul baǵyttaǵy jumys jalǵasady.