Aqtóbede apatty dep tanylǵan jańa úı qashan súriletini áli belgisiz

<p>AQTÓBE. KAZINFORM &mdash; Aqtóbe qalasy Eset batyr turǵyn alabyndaǵy eki úı bir jyldan astam ýaqyttan beri bos tur. Qalalyq ákimdik úıdiń dál qaı ýaqytta súriletinin naqty aıta almady.</p>

Aqtóbe qalasynda memlekettik baǵdarlama aıasynda salynǵan bes qabatty úı qazir bos tur. 2023 jyly mundaǵy turǵyndardyń bári kóshirilip, jańa úıge qonystandy.

Bıyl sot ótip, «Nurly jer» baǵdarlamasymen úı salǵan qurylys kompanııasynyń basshylary men tehnıkalyq baqylaýshylar sottaldy. Olar 5 jáne 6 jylǵa bas bostandyǵynan aıyryldy.

— Bul eki úı boıynsha sottyń sheshimi áli kúshine engen joq. Eki aıdan keıin zańdy kúshine enýi kerek. Sodan keıin ǵana úıdi súrýge qatysty sharalar qabyldanatyn bolady. Ony da sot arqyly sheshedi. Sot sheshimi kúshine enbegen soń ázirge úı turǵyndardyń ıeliginde, — dedi Aqtóbe qalasy ákiminiń baspasóz hatshysy Aıgúl Baımenova.

Aıta keteıik, Aqtóbe qalasy Almaty aýdany Eset batyr turǵyn alabyndaǵy № 39 «K», № 40 «K» úılerin salýǵa sol kezderi bıýdjetten 337 mln 465 myń teńgeden astam qarjy jumsaldy.