Aqtóbede apaly-sińlili oqýshylar kesheden beri tabylmaı jatyr
11:31, 18 Qarasha 2023
<p>Aqtóbe oblysy Qobda aýdany Besqudyq aýylynan shyǵyp ketken eki oqýshy qyz kesheden beri tabylmaı jatyr. Polıtsııamen qatar olardy eriktiler de izdestirip jatyr, dep habarlaıdy Kazinform.</p>
Qobda aýdany Besqudyq aýylynan shyqqan 13 jastaǵy Dılıara Qalıeva men onyń apasy Nazym Qalıeva kesheden beri tabylmaı jatyr. Olar Hromtaýdaǵy ájemizge baramyz dep ketip qalǵan.
Oblystyq Polıtsııa departamenti baspasóz qyzmetiniń jetekshisi Erbolat Sarqulovtyń aıtýynsha, Qobda aýdandyq polıtsııa bóliminen 15, Aqtóbe oblystyq polıtsııa departamentinen 12 qyzmetker men eriktiler jumyldy.
Sonymen birge Hromtaý polıtsııasy da izdeýge kóshti.
- Qobda aýdany Besqudyq aýylyndaǵy anasynan Hromtaýda turatyn ájemizge baramyz dep ketip qalǵan. Buryn olar ájesiniń qolynda tárbıelengen. 8-9 synyp oqýshylary, - dedi oblystyq bilim basqarmasynyń basshysy Jaıyq Sultan.
Ázirge olar Hromtaýǵa jetpegen.