Aqtóbede altyn qoryn anyqtaý úshin geologııalyq barlaý jumystary júrgiziledi
2017 jyly Aqtóbe oblysynda 19 jerde qatty paıdaly qazba baılyqtaryn izdeý jumysy júrgizildi. Nátıjesinde barlyǵy eki nysanda izdeý jumysy aıaqtalyp, altyn, kúmis jáne mystyń qory bar ekeni anyqtaldy. Zertteý jumysy kezinde 5 tonna altyn qory tabyldy. Geologııa jáne jer qoınaýyn paıdalaný komıteti, Batys Qazaqstan Geologııa jáne jer qoınaýyn paıdalaný óńiraralyq departamentiniń basshysy Azat Erimbetovtyń aıtýynsha, jer qoınaýyn paıdalanýshylar barlaý jumystaryn júrgizýdi ári qaraı jalǵastyrady. Aqtóbeniń Shalqar aýdanynda «BS Holdıng» kompanııasy altyn qoryn izdeıdi. Ótken jyly bastalǵan jumys 2019 jyly aıaqtalady. Barlaýǵa 87 mıllıon teńge jumsalmaq.
«Shalqar aýdanynda tıtan-tsırkonıı izdeý jumysy da júredi. Bul jumysqa 42 mıllıon teńgedan astam qarjy bólinedi. Jalpy Aqtóbe oblysy boıynsha qatty paıdaly qazba qoryn qaıta barlaý kezinde jerasty baılyǵynyń mólsheri jospardan tómen bolyp shyqty. Sebebi, barlaý jumystary kezinde naqtylanyp, boljam aqtalmady. Jospar boıynsha bıyl 16 joba qolǵa alyndy. Barlaýǵa 1,6 mıllıon teńge bólinip otyr», - dedi Geologııa jáne jer qoınaýyn paıdalaný komıteti, Batys Qazaqstan Geologııa jáne jer qoınaýyn paıdalaný óńiraralyq departamentiniń basshysy Azat Erimbetov.