Aqtóbede Álııa Moldaǵulova halyqaralyq áýejaıyna batyrdyń músini ornatyldy
Aıta keteıik, Aqtóbeniń halyqaralyq áýejaıyna Álııa Moldaǵulova esimi 28 sáýir kúni berilgen edi.
Búgin resmı tanystyrylyp, batyr qyzdyń bıýsti ornatyldy.
Jıynda batyrdyń týystary, onyń ómirin zerttep júrgen tanymal qoǵam qaıratkerleri, ólketanýshylar boldy.
«Álııa Moldaǵulova - kúlli qazaq eliniń maqtanyshy. Aty ańyzǵa aınalǵan jerlesimizdiń ómiri men erligi - bizge, óskeleń urpaqqa laıyqty úlgi. Biz de sol sııaqty týǵan jerimizdi jaqsy kórip, qorǵaýymyz kerek. Úkimet qaýlysymen Aqtóbe halyqaralyq áýejaıyna Keńes Odaǵy batyrynyń esimi berildi. Sizderdi oblysymyzdyń ómirindegi qýanyshty oqıǵamen quttyqtaımyn»,- dedi oblys ákimi Ońdasyn Orazalın.
Áýejaı ǵımaratynda Álııa Moldaǵulovanyń músini qoıyldy. Bıiktigi – 2,47 sm.
Músin avtory - aqtóbelik tanymal músinshi Jeńis Jubanqosov.
«Álııa apamyzdyń músinin bir aıda jasap shyqtyq. Bul men úshin jaýapty jumys boldy. Biz ózi túsken fotosyn paıdalandyq. Kishkentaı bolsa da, aıbarly, qaısar qazaq qyzy músininiń áýejaıǵa qoıylǵany ulttyq rýhymyzdy attyratyn qadam boldy», - dedi Jeńis Jubanqosov.