Aqtóbede áli de 329 synyptyń oqýshylary qashyqtan oqyp júr

AQTÓBE. QazAqparat – Aqtóbede 1-28 qyrkúıek aralyǵynda 329 synyp karantınge jiberilip, oqýshylar qashyqtan bilim alyp júr, dep habarlaıdy QazAqparat tilshisi.

Aqtóbe oblysy boıynsha bir táýlikte taǵy 90 adamnan koronavırýs ınfektsııasy anyqtaldy.

Qazir vırýs juqtyrǵandardyń 67-i jansaqtaý bóliminde jatyr. Onyń 13-i ókpeni jasandy jeldetý apparatyna qosylǵan.

«Barlyǵy 1274 adam ambýlatorııalyq em alyp júr. Al balalarǵa keler bolsaq, 222-i koronavırýs ınfektsııasyn juqtyrǵan. Onyń úsheýi aýrýhanada. Sondaı-aq 73 júkti áıeldiń 22-i aýrýhanada em qabyldap jatyr. Infektsııalyq kereýet júktemesi – 49%, reanımatsııalyq kereýet júktemesi – 47%», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.

Al oblystyq sanıtarııalyq-epıdemıologııalyq baqylaý departamenti basshysynyń mindetin atqarýshy Gúlbaný Dáýletovanyń aıtýynsha, 329 synyptyń oqýshylary karantınge jiberilgen.

Tek oqýshylar emes, muǵalimderden de COVID-19 anyqtalyp, balalar qashyqtan oqýǵa jiberildi.