Aqtóbede alǵashqy tirek mektep jumysy tanystyryldy
Aqtóbe oblysy Bilim berýdi turaqty damytý qorynyń «Aýyldyq aımaqtardaǵy tirek mektepterdiń áleýetin damytý» qaıyrymdylyq jobasyna qatysqan óńirdiń biri. Tirek aýyldar sekildi, endi tirek mektepter óz nátıjesin bere bastaıdy. Joba bilim berý sapasyn arttyrýǵa, aýyl mektepterine úzdik pedagogıkalyq tájirıbe men tıimdi ádistemelerdi engizýge jáne tirek mektepterdi qajetti materıaldyq-tehnıkalyq bazamen qamtamasyz etýge baǵyttalǵan. Osy jobaǵa engizilgen Alǵa aýdany Bestamaq aýylynda alǵashqy tirek mektep tanystyryldy.
«Memleket basshysynyń tapsyrmasy boıynsha 2023 jyldan bastap Qazaqstanda «Jaıly mektep» ulttyq jobasy iske asyrylyp jatyr. Jobanyń maqsaty – biryńǵaı standart boıynsha mektepter salý, ondaǵy oryn tapshylyǵy máselesin júıeli sheshý. Sonymen qatar «Qazaqstan halqyna» qory qarjylandyratyn «Aýyldyq aımaqtardaǵy tirek mektepterdiń áleýetin damytý» mańyzdy jobasy jumys isteıdi. Nazarbaev zııatkerlik mektepteriniń oqytý ádistemesin qoldanǵan aýyldaǵy tirek mektepter oblysymyzdyń taǵy birneshe aýdanynda paıda bolady. Jobany júzege asyrý aýylda oqıtyn oqýshylarǵa ózderi turatyn jerde sapaly bilim alýǵa, sondaı-aq bilim berý resýrstaryn shoǵyrlandyrýǵa múmkindik beredi», - dep atap ótti oblys ákimi Eraly Toǵjanov.
Bilim berýdi turaqty damytý qorynyń dırektory Danııar Toqtarbaev óńir basshysyna joba aıasynda 27 oqý kabıneti men qosymsha bilim berý sheberhanalary jabdyqtalǵanyn aıtyp ótti. Qosymsha STEM-zerthana, ART-stýdııa, telestýdııa, oqýshylarǵa arnalǵan kovorkıng aımaǵy bar kitaphanamen jaraqtandyrylǵan.
Bilim berýdi turaqty damytý qory jáne joba seriktesi «Nazarbaev Zııatkerlik mektepteri» DBBU mamandary mekteptegi bilim berý ortasy men oqytý sapasyn taldaý jumysyn aıaqtady. Mektepti damytý, bilim berý sapasyn arttyrý baǵytynda usynymdar ázirledi. Sondaı-aq muǵalimderge qajetti biliktilikti arttyrý kýrsbolady. Oblys ákimi baspasóz qyzmetiniń habarlaýynsha, tirek mektepterdi jańartyp, qaıta jabdyqtaýǵa «Qazaqstan Halqyna» qory 250 mln teńge bóldi.
FOTO: Aqtóbe oblysy ákiminiń baspasóz qyzmeti.