Aqtóbede áli de 2 myńnan astam abonent jaryqsyz otyr

<p>AQTÓBE. KAZINFORM &ndash; Aqtóbede áli de 20-dan astam aýylda jaryq tolyq berilmedi. Qazir qaladaǵy brıgadalar aýdandarǵa jiberilip jatyr.</p>

Aqtóbedegi «Energosıstema» JShS baspasóz qyzmetiniń habarlaýynsha, qazir Alǵa aýdanyndaǵy 8 aýylda jaryq joq. Ol – 594 abonent. Sonymen birge Áıteke bı aýdanynyń Aqqum jáne Baıjankól aýyldarynda 74 úıge jaryq qosylmady. Qarǵalynyń Aqjaıyq aýylynda 25, Qobdanyń Qaraǵandy aýylynda 10, Muǵaljar aýdanynyń Orqash aýylynda 124 abonentte elektr togy joq dep tirkeldi. 

- Temir aýdanynyń Eńbekshi, Birlik, Shyǵyrly, Aşysaı, Tasqopa aýyldaryndaǵy 400, Hromtaý aýdanynyń birneshe aýyly men qalasynda myńnan astam abonentte jaryq joq. Oblys boıynsha jelide 30 brıgada men 100-ge jýyq tehnıka jumys isteýde. Qazirgi kezde qaladan aýdandarǵa qaraı brıgada jiberildi. Barlyǵy oblysta 2200-den astam abonentte jaryq joq. Munyń bári 9 aqpan saǵat 15:00-degi aqparat,- dep habarlady «Energosıstema» JShS baspasóz qyzmeti. 

Eske salaıyq, tańerteń ótken baspasóz máslıhatynda «Energosıstema» JShS-niń bas dırektory Erjan Jeksenbınov 5 aýylda ǵana jaryq joq dep málimet berdi.