Aqtóbede advokat qorǵaýshysynyń týystaryn aldap, olardyń bergen aqshasyn jymqyrǵan

NUR-SULTAN. QazAqparat – Aqtóbe oblystyq advokattar alqasynyń advokaty alaıaqtyqqa qatysty kúdikke ilindi, dep habarlaıdy QazAqparat tilshisi.

«Sybaılas jemqorlyqqa qarsy is-qımyl agenttiginiń Aqtóbe oblysy boıynsha departamenti oblystyq advokattar alqasynyń advokatyna qatysty qylmystyq isti tergep jatyr. Advokat qylmystyq is boıynsha kúdiktilerdiń qorǵaýshysy bola otyryp, kúdiktilerdiń týystaryn aldap, senimin teris paıdalanǵan. Іs boıynsha máseleni oń sheshý syltaýymen olardyń jalpy somasy 3 mln teńge qarajatyn jymqyrdy degen kúdikke ilinip otyr», - dedi QR Sybaılas jemqorlyqqa qarsy is-qımyl agenttiginiń 1-shi departamentiniń aǵa tergeýshisi Danııar Bıgaıdarov agenttikte onlaın rejimde ótken baspasóz máslıhatynda.

Qazirgi ýaqytta is boıynsha sotqa deıingi tergeý júrip jatyr. Kúdikti kinásiniń dárejesin anyqtaı otyryp, oǵan qatysty túpkilikti sheshimdi sot qabyldaıdy.

Aıan Bekenuly