Aqtóbede adamdardyń ústine aıaldamanyń áınek bólshegi qulap tústi

<p>AQTÓBE. KAZINFORM - Aqtóbe qalasynda aıaldamada avtobýs kútip turǵan úsh adam aýrýhanaǵa tústi. Olardyń ústine áınektiń bir bólshegi túsip ketti.</p>

Oqıǵa Aqtóbe qalasy Álııa Moldaǵulova dańǵyly boıyndaǵy «Altyn kvartal» aıaldamasynda boldy. Áınekten jasalǵan aıaldama pavılonyna jarnama ilip jatqan kezde shyny shytynap ketti.

— Aıaldamanyń áınek bólshegi adamdardyń ústine qulaǵan. Úsh áıel aýrýhanaǵa jetkizildi. Jumysyna salǵyrt qarap, sapasyz qyzmet kórsetý, qaýipsizdikti eskermeý deregi boıynsha tergeý bastaldy, — dep habarlady Aqtóbe oblystyq PD baspasóz qyzmetiniń jetekshisi Erbolat Sarqulov.