Aqtóbede adam ólimine ákep soqqan qurylysqa jaýapty basshy sottaldy
Aqtóbe qalasy Ábilqaıyr han dańǵyly boıynda ornalasqan ǵımaratqa jóndeý júrgizilip, qurylysshylardyń qateliginen nysan opyrylyp tústi.
Sol kezde «Damý» qory ornalasqan ǵımarat ishindegi eki adam zardap shekti. Bireýi aýrýhanada kóz jumdy.
Osy oqıǵadan soń Qylmystyq kodekstiń «Sáýlet, qala qurylysy jáne qurylys qyzmeti salasyndaǵy qaǵıdalardy nemese normatıvterdiń talaptaryn buzý» baby boıynsha is qozǵaldy.
Kúdikti retinde qurylys kompanııasynyń dırektory men jumysshysy ustalyp, tergeý júrdi.
Іs materıalyna súıensek, 2021 jyldyń mamyr aıynda seriktestik konkýrsqa qatysyp, jeńimpaz atanǵan.
Kúrdeli jóndeý júrgizý jáne shatyryn jańartýǵa kelisim jasaldy. Tapsyrys berýshige esh eskertpegen kompanııa dırektory J.Kasanbaev bar jumysty jeke jumysshy M.Manasovqa júktegen.
Qurylys jumysy kezinde ekinshi qabatqa shamadan tys júk túsip, ǵımarat opyrylyp, ortasyna tústi. Saldarynan ǵımarat ishinde bolǵan menedjer aýyr jaralanyp, keıin kóz jumdy.
«Damý» qoryna 43 805 893 tg, «Agrarlyq nesıe korporatsııasy» AOF-na 1 913 852 tg, «Alǵa nesıe seriktestigine» 2 903 914 teńge materıaldyq shyǵyn keltirdi.
Sot otyrysy kezinde sottalýshylar taǵylǵan aıyppen kelispedi. Degenmen olardyń kinási saraptama qorytyndysynan soń dáleldendi.
Prokýror 3 jylǵa bas bostandyǵynan aıyrylyp, qurylys kompanııasynda basshylyq qyzmet atqarý quqyǵynan aıyrýdy surady.
Sot úkimimen qurylys kompanııasynyń dırektory Jánibek Kasanbaev pen jumysshy Muhıt Manasov aıypty dep tanylyp, 3 jylǵa bas bostandyǵynan aıyrý jazasyn taǵaıyndady.
«Raqymshylyq týraly» Zańǵy saı Jánibek Kasanbaev pen jumysshy Muhıt Manasovtyń jazasyn óteý merzimi qysqartylyp, 1 jyl 6 aıǵa bas bostandyǵynan aıyrý úkimi shyǵaryldy. Árqaısysy 3 jyl boıy qurylys salasynda jumys isteı almaıdy», - dep habarlady oblystyq sottyń baspasóz qyzmeti.
Azamattyq shaǵym da qanaǵattandyryldy. Ár sottalýshy jábirlenýshi tarapqa 3 mln teńge tóleıdi.
Sot úkimi zańdy kúshine engen joq.