Aqtóbede Ábilqaıyr han dańǵyly Nursultan Nazarbaev kóshesi bolyp ózgertildi
Aqtóbedegi Ábálqaıyr han dańǵylynyń bir bóligin Nursultan Nazarbaev kóshesi dep ataýǵa baılanysty oblystyq máslıhatta kezekten tys sessııa ótti.
«Búgin biz tarıhı oqıǵa - este qalatyn máslıhat sessııasynda otyrmyz. 19 naýryz kúni Nursultan Nazarbaev asa mańyzdy sheshim qabyldap, ókilettiligin toqtatty. Aqtóbelikter Elbasynyń ár isin úlgi etip, pikir bildirip jatyr. Qala ákimdiginde onomastıkalyq komıssııa bar. Búgin kóptegen usynysty qarady. Qalalyq ardagerler keńesi, jastar arasynda usynystar boldy. Usynys boıynsha zań aıasynda burylysy 30 gradýstan bastap derbes kóshe beriletini eskerildi. Soǵan sáıkes Ábilqaıyr han dańǵylynyń Álııa Moldaǵulova dańǵylynan Bókenbaı batyr kóshesine deıingi aýmaǵyn Nursultan Nazarbaev kóshesi dep ataý usynysyna qalalyq sessııada oń sheshim berildi», - dedi qala ákimi Іlııas Ispanov.
Aqtóbe oblystyq máslıhat depýtattary usynysty biraýyzdan qoldady.