Aqtóbede 900 oryndyq mekteptiń qurylysy kezinde 21,8 mln teńge jymqyrylǵan

AQTÓBE. QazAqparat - Aqtóbede memlekettik organdaǵy laýazymdy tulǵalardyń bıýdjet qarajatyn jymqyrý faktisi tekserilip jatyr, dep habarlaıdy QazAqparat Qarjy monıtorıngi komıtetine silteme jasap.

Qarjy monıtorıngi komıtetiniń Aqtóbe oblysy boıynsha ekonomıkalyq tergeý departamenti «Qazyna» jedel aldyn alý sharasy aıasynda bıýdjet qarajatyn jymqyrý faktisin anyqtady.

«Jergilikti bıýdjet esebinen bastapqy, negizgi orta jáne jalpy orta bilim obektileriniń qurylysy men jóndeý» memlekettik baǵdarlamasyn júzege asyrý barysynda Aqtóbe qalasynyń qurylys bólimi men bir seriktestik arasynda jalpy somasy 1,5 mlrd teńgeniń kelisimsharty jasalǵan. Ol boıynsha Aqtóbe qalasynyń bir aýdanynda 900 oryndyq orta mekteptiń qurylysy boıynsha memlekettik satyp alý qurylys-montajdaý jumystary týraly kelisimshartqa qol qoıylady. Alaıda, jarııalanǵan jumys tolyq kólemde júrgizilmeı, saldarynan kelgen zalaldyń mólsheri 21,8 mln teńgeni quraǵan.

Bul fakt boıynsha QR QK 189-baby 4-bólimi 2-tarmaǵyna sáıkes sotqa deıingi tergeý amaldary júrgizilip, jymqyrý faktisine memlekettik organdaǵy laýazymdy tulǵalardyń qatysy bar-joǵy tekserilip jatyr.