Aqtóbede 8 myńnan astam qyzǵa adam papıllomasy vırýsyna qarsy vaktsına salynady
Aqtóbe oblysyndaǵy mektepterde adam papıllomasy vırýsy men onyń aldyn alý jumystary jaıynda túsindirý jalǵasyp jatyr. Dárigerler men epıdemıolog mamandar vaktsınanyń tıimdi tustaryn aıtyp berdi.
- Bıyl 11 jastaǵy qyzdar men 12, 13 jastaǵy qyzdar ekpe ala alady. Aqtóbe oblysy boıynsha 8245 qyzǵa vaktsına salý josparlanyp otyr. Vaktsına araǵa 6 aı salyp eki ret salynady. Jalpy oblysqa 16 490 vaktsına jetkiziledi. Qazir 8200 dozasy bar. AQSh-ta óndirilgen vaktsınany álemniń 135 eli qoldanyp otyr. Ekpe jumystary mekteptiń medıtsınalyq kabınetinde júrgiziledi. Ata-ana men zańdy ókiliniń ruqsaty kerek. Tipti emhanaǵa baryp vaktsına saldyrýǵa bolady,- dedi Aqtóbe oblystyq densaýlyq saqtaý basqarmasynyń bas mamany Aqzer Súleımenova.
Mamannyń aıtýynsha, adam papılloma vırýsy tek jatyr moıny obyryn týdyryp qana qoımaı, jynys múshelerin, tikishek, jutqynshaq obyrynyń da qozdyrǵyshy bolyp sanalady.
- Aqtóbe oblysynda byltyr 103 áıel jatyr moıny obyryna shaldyqty. Eń jasy – 25 jasta. Bıyl 8 aıda 75 adamnan jatyr moıny obyry anyqtaldy,- dedi M.Ospanov atyndaǵy BQMÝ onkologııa kafedrasynyń dotsenti Anar Týlıaeva.
Aıta keteıik, Aqtóbeniń Oıyl aýdanynda 3 qyz vaktsına saldyrdy. Al Qazaqstanda 1,6 myń qyzǵa ekpe jasaldy.