Aqtóbede 4 jasar balasyn kórshisine qaldyryp, sol kúıi joǵalǵan áıel izdestirilip jatyr

AQTÓBE. QazAqparat – Aqtóbe polıtsııasy keshe túske taman shyǵyp ketip, úıine oralmaǵan turǵyndy izdep jatyr. Ol kórshisine balasyn tastap ketken, dep habarlaıdy QazAqparat tilshisi.

Aqtóbe oblystyq polıtsııa departamenti baspasóz qyzmetiniń habarlaýynsha, keshe saǵat 20:00 shamasynda turǵyn habarlasyp, belgisiz áıeldiń balasyn ózderine senip tastap ketkenine 9 saǵatqa jýyqtaǵanyn aıtqan. Qaladaǵy Narımanov kóshesinen túsken aryz boıynsha tekserý jumystaryn júrgizgen tártip saqshylary qazir balanyń ata-anasyz izdep jatyr.

«Balasyn birneshe mınýtqa qaldyryp, dúkenge baryp kelem dep, keıin oralmaǵan. Atalǵan mekenjaıǵa ıývenaldy polıtsııa qyzmetkerleri jiberilip, bala «Aıala» ómirlik qıyn jaǵdaıdaǵy balalardy qoldaý ortalyǵyna ornalastyryldy. Bala shamamen 3-4 jasta, ózin Ańsar dep tanystyrdy. Eger balanyń týystary týraly qandaı da bir málimetter bolsa, 8-771-785-10-58 nemese 102 telefony boıynsha habarlaýdy suraımyz», - dedi oblystyq PD baspasóz qyzmeti.