Aqtóbede 33 kásipkerdiń «Aýyl amanaty» nesıesin óteý merzimi shegerildi

<p>AQTÓBE. KAZINFORM &ndash; Aqtóbe oblysy boıynsha 2 myń adam &laquo;Aýyl amanaty&raquo; jobasyna qatysyp, kásibin bastady. Búginde onyń 33-i sý tasqyny kezinde zardap shekkenin aıtyp, nesıeni óteý merzimin keıinge shegerý úshin ótinish túsirdi.</p>

«Aýyl amanaty» jobasy bastalǵany beri 2 myń aqtóbelik nesıe alǵan. Ol úshin 15 mlrd teńge qarjy bólindi. Qazirgi kezde sý tasqyny bolǵan Yrǵyz, Oıyl, Qobda aýdandarynyń kásipkerleri nesıeni óteý merzimin keıingi shegerý úshin ótinish jazyp otyr. Sý tasqyny kezinde zardap shekken jobalar arasynda alma baǵy, dámhana bıznesi bar.

Sonymen birge mal shyǵynyna ótemaqy berildi.

- Jobaǵa qatysýshylardyń nesıe tóleý merzimi úsh aıǵa keıinge shegerildi. Al ózge adamdarda ázirge jeńildik ýaqyty bitken joq. Olarda nesıe demalysy bar ekeni belgili. Sonymen birge saqtandyrý aıasynda shyǵyn óteý joly qarastyrylyp jatyr. Bir qaryz alýshy saqtandyrý arqyly shyǵynyn qaıtardy, - dedi «Aqtóbe» ÁKK» AQ memlekettik baǵdarlamalardy júrgizý departamentiniń dırektory Aqgúl Ákimjanova.

Aıta keteıik, sý tasqyny kezinde Aqtóbede 100-den astam shaǵyn jáne orta bıznes ıesine shyǵyn keldi. Olardyń shyǵyny shamamen 3 mlrd teńge dep boljandy.