Aqtóbede 323 adamnan koronavırýs ınfektsııasy anyqtaldy

AQTÓBE. QazAqparat – Aqtóbede bir táýlikte 323 adamnan koronavırýs ınfektsııasy anyqtaldy. Ázirge shekteý sharalaryn kúsheıtýge qatysty jańa qaýly shyqqan joq, dep habarlaıdy QazAqparat tilshisi.

Epıdemıologııalyq jaǵdaıdy baǵalaý matrıtsasyna sáıkes oblys keshe «qyzyl» aımaqqa ótti.

«Bir táýlikte 323 adamnan koronavırýs ınfektsııasy anyqtaldy. Onyń 197-i vırýstyń sımptomdy túrine shaldyqqan. Aqtóbe qalasymen qatar Alǵa, Mártók, Muǵaljar, Temir, Oıyl, Hromtaý, Shalqar aýdandarynda aýyryp, em izdegender bar. Sonymen birge qazirgi tańda 1218 adam úı karantıninde», - dep habarlady Aqtóbe oblystyq sanıtarııalyq-epıdemıologııalyq baqylaý departamentiniń baspasóz qyzmeti.

Aıta keteıik, búginge deıin 36 myńǵa jýyq adamnan COVID-19 anyqtaldy. Onyń 97,5% jazyldy.