Aqtóbede 300-den astam jas senbilikke shyqty
Aqtóbe qalasynyń jastary eki aılyq tazalyq aktsııasyna qatysty. Barlyǵy 350-den asa erikti men belsendi óńir basshysymen birge shaǵyn baqty tazalady.
Oblys ákimi Eraly Toǵjanov stýdentterge, eriktilerge, jastar uıymdary men óńir turǵyndaryna, kásipkerlerge týǵan ólkesine beı-jaı qaramaı, senbilikke belsendi qatysqany úshin alǵysyn bildirdi.
«Halqymyzda aýylyna qarap, azamatyn tany» degen jaqsy sóz bar. Mine, biz birneshe kúnnen beri qalamyzdy tazartyp, bir jeńnen qol, bir jaǵadan bas shyǵaryp jalpyqalalyq senbilikke qatysyp jatyrmyz. Tazalyq – tazalaǵan jerde emes, aınalany taza ustaǵan kezde ǵana bolady. Aýlamyz taza bolsa oı-sanamyz da tazarady, boıymyz sergip, kóńilimiz kóteriledi. Súıikti qalamyzdyń tazalyǵy barshamyzǵa ortaq is, jas býynǵa úlgi-ónege, syrttan kelgen qonaqtar úshin turǵyndarymyzdyń abyroıy. Óskeleń urpaqqa jan jaǵyn taza ustap, lastamaýǵa úndeý, shashpaýǵa shaqyrý aǵa býyn men árbir azamattyń boryshy, azamattyq paryzy. Árbir adamnyń jeke jaýapkershiligi. Senbilik bastalǵaly beri qalamyzdyń turǵyndary, bıznes ókilderi, memlekettik mekemelerdiń qyzmetkerleri, jeke sektorlardyń mamandary, jigerli jastarymyz belsene qatysty. Bul ıgilikti is búginmen bitip qalmaıdy, óz jalǵasyn taba beretin bolady. Kishkentaı Otanymyzdyń gúldenýi, qalamyzdyń ósip-órkendeýi jolynda barshańyzdy bir adamdaı jumyla atsalysýǵa shaqyramyn»,- dep atap ótken oblys ákimi qoǵam ómirine belsendi atsalysyp júrgen 13 stýdent pen eriktige alǵys hat tabys etti.
Olardyń qatarynda Qostanaı oblysynda órtten zardap shekkenderge gýmanıtarlyq kómek jınaýǵa qoldaý kórsetkender de bar. Jalpy 70 stýdent pen erikti oblys ákiminiń alǵys hatyna ıe boldy.
Aıta keteıik, tazalaý men abattandyrý boıynsha eki aılyq 17-qyrkúıekte bastalyp, 4-qarashaǵa deıin jalǵasady.
24-qyrkúıekte óńirdiń 22 myńnan asa turǵyny, júzden asa kásipkerlik ujymy, mektep pen medıtsınalyq mekeme jalpyoblystyq senbilikke shyqty.
Eki senbilikte myńnan astam kóshe, 200-ge jýyq saıabaq, shaǵyn baq qoqystan tazartylyp, 3 myń tonna qoqys shyǵaryldy.
Sonymen birge 261 shaqyrym jol tazartyldy. Zańdy jáne jeke tulǵaǵa abattandyrý erejelerin buzǵandary úshin 955 uıǵarym shyǵarylsa, 93 adamǵa 4 mıllıon teńgeden astam somaǵa aıyppul salyndy.