Aqtóbede 3 jasar balaǵa jynystyq zorlyq jasaý deregi tekserilip jatyr

<p>AQTÓBE. KAZINFORM &ndash; Aqtóbe qalasynyń turǵyny balasyna jynystyq zorlyq jasaldy degen kúdikpen aýrýhanaǵa júgindi. Qazir osy derekti polıtsııa tekserip jatyr.</p>

Aqtóbe oblystyq PD baspasóz qyzmetiniń habarlaýynsha, 14 mamyr kúni qala turǵyny balasyn aýrýhanaǵa aparyp, jynystyq zorlyq-zombylyq izderiniń bar-joǵyna tekserý júrgizý týraly ótinish bildirdi. Polıtsııanyń jedel-tergeý toby aýrýhanaǵa dereý jetti. Qylmystyq is tirkelip, saraptamalar taǵaıyndalyp, júrgizildi.

- Sot-medıtsınalyq sarapshynyń aldyn ala málimetteri boıynsha, jas balanyń jynys organdarynyń aımaǵynda dene jaraqattary joq. Sonymen qatar qylmystyq is polıtsııa departamentiniń Tergeý basqarmasynyń óndirisine qabyldandy. Oqıǵanyń barlyq mán-jaılaryn muqııat tekserý júrgizilýde. Barlyq tergeý sharalary protsessýaldyq prokýrordyń qatysýymen júrgiziledi. Tergeý polıtsııa departamenti bastyǵynyń erekshe baqylaýynda, - dedi Aqtóbe oblystyq PD bastyǵynyń orynbasary Ǵalym Baıjanov.