Aqtóbede 15 jyl boıy izdeýde júrgen kúdikti ustaldy

<p>AQTÓBE. KAZINFORM &ndash; 2008 jyly qaraqshylyq shabýyl jasap, izin jasyrǵan kúdikti ustaldy. Polıtsııa tergeýden soń qylmystyq isti sotqa jibermek.</p>

Aqtóbe oblystyq PD baspasóz qyzmetiniń habarlaýynsha, qylmystyq oqıǵa 2008 jyldyń mamyr aıynda boldy. Eki jas jigit Hromtaý qalasynda jergilikti turǵynnyń páterine kirip, as úı pyshaǵyn qoldanyp, jábirlenýshiniń denesin jaralaıdy. Sol kezde aqsha men eki uıaly telefondy ashyq urlap ketken.

– Sol jyly Qostanaı oblysynyń turǵyny ustalyp, qaraqshylyq shabýyl jasaǵany úshin jeti jylǵa bas bostandyǵynan aıyryldy. Al ekinshi kúdikti týraly aqparat bolmady. Búginge deıin Hromtaý qalasynyń turǵyny jasyrynyp júrdi. Al izdeý jeke is júrgizýge bólindi. Arada 15 jyl ótkende Hromtaý polıtsııasynyń jedel ýákilderi izdeýde júrgen adamdy ustady jáne isti sotqa beredi,- dedi oblystyq PD baspasóz qyzmetiniń jetekshisi Erbolat Sarqulov.