Aqtóbede 13 jastaǵy erekshe balany izdeýge tikushaq jumyldyryldy

<p>AQTÓBE. KAZINFORM &ndash; Aqtóbede 13 jastaǵy erekshe bala áli tabylmaı jatyr. Ony izdeý úshin Qazavıaqutqarý tikushaǵy kóterildi.</p>

4 maýsym kúni Aqtóbe qalasyndaǵy Zarechnyı-1 turǵyn alabynda ornalasqan úıden shyǵyp, belgisiz baǵytqa ketip qalǵan Kárim Jetirý áli tabylmaı jatyr. Polıtsııa ony sýdan da, ózen boıyndaǵy aǵash arasynan da, kópir astynan da izdedi. Qalaǵa fotosyn ilip, aqparatyn taratty.

- Qazaqstan TJM qutqarýshylary joǵalǵan jetkinshekti áýeden barlaı otyryp izdeýdi bastady. Aqtóbe oblystyq TJD garnızonynan qutqarýshylar, Kınologııa qyzmeti izdeý jumysyna jumyldyrylǵan, - dep habarlady Aqtóbe oblystyq TJD baspasóz qyzmeti.

Qazirgi kezde balany izdeýge 500-ge jýyq adam jumyldyryldy. Onyń ishinde polıtsııa, eriktiler bar.

- Qyzmettik ıtter jáne 40 birlik tehnıka, 3 kvadrotsıkl, 2 qaıyq, 4 atty polıtsııa, ushý apparattary paıdalanylyp jatyr. Polıtsııaǵa júgingen sátten bastap úılerdiń shatyrlary men aýlalary, káriz qudyqtary, shuńqyrlar, dala, onyń ishinde orman alqaptary tekserildi. Sonymen qatar, baǵdarlaýdy kórsete otyryp, qoǵamdyq tamaqtaný oryndary, dúkender men saýda ortalyqtary tekserilip jatyr, - dep habarlady Aqtóbe oblystyq PD baspasóz qyzmetiniń jetekshisi Erbolat Sarqulov.

Eske salsaq, joǵalǵan Kárim Jetirý fýtbolka jáne ish kıimmen bolǵan. Aıaq kıiminiń túsi aq.