Aqtóbede 105 jastaǵy keıýana saılaý ýchaskesine ózi baryp, daýys berdi
Aqtóbede oblysynda barlyǵy 517 saılaý ýchaskesi bar. Olardyń 162-ci Aqtóbe qalasynda ornalasqan. Óńirde 4 myńǵa jýyq adam óz úıinde otyryp, 700-den astamy emdeý oryndarynda tańdaý jasaýǵa ótinish bergen. Alaıda 105 jastaǵy keıýana balasymen birge saılaý ýchaskesinde daýys berýdi uıǵarǵan.
«Buryn erte turyp, alǵashqylardyń biri bolyp, daýys beretin edim. Qazir qartaıdyq, ózimiz kele almaımyz. Balammen birge kelip, tańdaý jasadym. Qazaqstan, elim aman bolsyn! Ózim ár saılaýǵa qatysyp, laıyqty tańdaý jasap júrmin»- dedi Jaqybaı Bısenǵalıev. Keıin keıýana aq batasyn berdi.
Aıta keteıik, Jaqybaı Bısenǵalıeva Aqtóbe oblysy, qazirgi Hromtaý aýdany, Qyzylsý aýylyndaǵy kópbalaly otbasynda dúnıege kelgen. Oıy zerek, bilimge qushtar bolǵan Jaqybaı Bısenǵalıeva hat tanyǵanymen, aýylda molda bolmady. Sóıtip onyń talaby orta joldan kesildi. Al 30-jyldary aýylǵa orystar qonystanyp, qarapaıym turǵyndar jer jyrtyp, kókónis ege bastady. Anasy naýqas, ákesi otbasyn ózi asyraǵan kezde Jaqybaı áje de qarap qalmady. Úıdiń bar aýyrtpalyǵyn kóterip, tańnan keshke deıin eńbek etti. Baýyrlaryna qamqor bolyp, olardyń aıaqtanyp ketýine kómektesti. Sóıtip ózi kesh turmys qurdy. Otaǵasy Ǵabıt Bısenǵalıev qyzmette boldy. Jas otbasynyń bul qýanyshy uzaqqa sozylmaı, Ekinshi dúnıejúzilik soǵys bastalyp ketti. Soǵystan aman-esen oralǵan soń úsh bala súıdi. Qazir jeti shóberesi bar, ózi nemeresiniń qolynda turady.