Aqtóbe joldaryndaǵy tártipti 100 myńnan astam jańa kólik qadaǵalaıdy

AQTÓBE. QazAqparat - Táýelsizdik kúni qarsańynda Aqtóbe oblystyq Polıtsııa departamentine 110 jańa kólik berildi, dep habarlaıdy QazAqparat tilshisi.

Kólikterdiń barlyǵy joldaǵy tártipti baqylaý úshin tapsyrylyp otyr.  

«Polıtsııa qyzmetkerlerin kólikpen qamtamasyz etý, tehnıkalyq bazasyn nyǵaıtý maqsatynda jumys júıeli atqarylyp jatyr. Jańa kólik qoǵamdaǵy tártipti baqylaýǵa, el tynyshtyǵy úshin eńbek etýge septigin tıgize dep senemiz. Aqtóbelikter qoryqpaı jumysyna, sabaǵyna barýy kerek», - dedi oblys ákimi Berdibek Saparbaev.

Aıta keteıik, búgin Aqtóbe oblysy boıynsha jol-patrýldik polıtsııa qyzmetkeri Danııar Aımaǵambet «Aıbyn» ordenin aldy. Ol ózine pyshaq ala júgirip, adamdarǵa qaýip tóndirgen kúdiktini quryqtaǵan bolatyn.  

Sonymen qatar, Prezıdent Jarlyǵymen 8 qyzmetker memlekettik nagradalarǵa ıe boldy. Táýelsizdik kúni qarsańynda jalpy 1 myńnan astam polıtsııa qyzmetkeri syıaqylar, arnaıy alǵys hattar men medaldar aldy.