«Aqtóbe» úzdik úshtikke taban tiredi

<p>ALMATY. KAZINFORM - &laquo;Aqtóbe&raquo; fýtbol klýby Qazaqstan Premer-lıgasynyń HHV týrynda &laquo;Shahterdi&raquo; jeńip, úshinshi orynǵa kóterildi.</p>

Aqtóbelik klýbtyń áli qola júldege qol jetkizýine múmkindigi bar. Sondyqtan olar úshin árbir oıynnyń mańyzy artyp tur. Olar búgin syrt alańda kósh sońynda kele jatqan Qaraǵandynyń «Shahterin» 3:1 esebimen jeńdi. Nátıjesinde 40 upaımen úzdik úshtikke taban tiredi. Endi olar sońǵy týrda Túrkistannyń «Turanyn» qapy qaldyrsa, qola júldege qol sozady.

Sondaı-aq óz alańynda Taldyqorǵannyń «Jetisý» klýby óz alańynda «Atyraýǵa» 0:2 esebimen jol berse, túrkistandyq «Turan» men elordalyq «Jetisý» 1:1 esebine qanaǵat bildirdi.

Dál qazir Qostanaıda «Tobyl» men elordalyq «Astana» oınap jatyr. Astanalyq komanda úshin tek qana jeńis qajet. Óıtkeni, elordalyq ujym bıyl bas júldege qol sozýdy aldyna maqsat etip otyr. 

Olardyń basty qarsylasy - almatylyq «Qaırat» komandasy 2 qarashada óz alańynda Shymkenttiń «Ordabasy» klýbyn 2:1 esebimen tize búktirip, kósh basyna shyqty. 

Taǵy bir kezdesýde Petropavldyń «Qyzyljary» óz alańynda Qyzylordanyń «Qaısaryn» 6:2 esebimen súrindirdi.