Aqtóbe turǵynyna bir mezgilde eki kúrdeli ota jasaldy

AQTÓBE. QazAqparat - Bir mezgilde eki hırýrgııalyq aralasý júrgizilgen tehnıkalyq jaǵynan kúrdeli sımýltandyq laparaskopııalyq operatsııa 37 jastaǵy Aqtóbe turǵynynyń ómirin saqtap qaldy, dep habarlaıdy QazAqparat.

Tamaq ishkennen keıin 3-4 saǵattan soń paıda bolatyn epıgastraldyq aýmaqtaǵy aýyrsyný, kúıdirgi, qyshqyl kekirý, ish qatý, álsizdik týraly shaǵymdarmen áıel M.Ospanov atyndaǵy BQMÝ Medıtsınalyq ortalyǵyna júgindi. Densaýlyq saqtaý mınıstrliginiń málimetinshe, naýqasta jaǵdaıynyń nasharlaýy sońǵy eki aıda baıqalǵan.

Fıbrogastrodýodenoskopııany júrgizý kezinde ultabar býyltyǵynyń sańylaýynda oıyq jaradan keıingi tyrtyq dekompensatsııalanǵan tarylý, pılorýs deńgeıindegi jara, ІІ dárejeli kardıalyq qysqyshtyń jetkiliksizdigi, asqynýdan tys sozylmaly atrofııalyq gastrıt, dıafragma sańylaýynyń aksıaldyq jaryǵy anyqtaldy.

Osylaısha, birikken patologııa anyqtaldy:bastan ótkergen oıyq jara aýrýy aıasynda oıyq jara aqaýynyń ornynda ultabardyń tyrtyqty tarylýy paıda bolǵan. Protsess uzaq ýaqytqa sozylǵan. Sonymen qatar, qosalqy patologııa dıafragmanyń óńeshtik tesigi jaryǵynyń bolýy boldy.

Bul jaǵdaıdan shyǵýdyń jalǵyz joly patsıenttiń jaǵdaıyn jaqsartý úshin hırýrgııalyq emdeý boldy.

Hırýrg dáriger A.Erǵalıev bastaǵan M. Ospanov atyndaǵy BQMÝ MO operatsııalyq brıgadasy bir mezgildik tehnıkalyq jaǵynan kúrdeli sımýltandyq operatsııa jasady: Nıssen boıynsha laparoskopııalyq fýndoplıkatsııa jáne gastroeıýanastomozdy sala otyryp, Bılrot-2 boıynsha asqazannyń laparoskopııalyq rezektsııasy.

Operatsııadan keıingi kezeń asqynýsyz ótti, patsıent úıge shyǵaryldy.