Aqtóbe turǵyny úıinde tanymal araq brendterin qoldan jasaıtyn tseh ashqan
16:56, 07 Maýsym 2022
AQTÓBE. QazAqparat - Qarjylyq monıtorıng agenttigi Aqtóbe oblysy boıynsha aýmaqtyq departamentiniń qyzmetkerleri alkogol ónimin qoldan jasap satatyn astyrtyn tsehty anyqtady, dep habarlaıdy QazAqparat.
Kúdikti óz úıinde ártúrli ataýdaǵy alkogol ónimderiniń óndirisin uıymdastyryp, daıyn ónimdi jalǵan esepke alý-baqylaý tańbalarymen tańbalaǵan.
Sosyn ony Aqtóbe qalasynda satyp kelgen.
Tintý kezinde jalǵan aktsızdik markalary bar «Qazaq aragy», «Sınıaıa gora» jáne «Nemıroff» daıyn alkogol ónimi, jasandy ónimdi býyp-túıýge arnalǵan qurylǵylar tabylyp, tárkilendi.
Atalǵan fakti boıynsha sotqa deıingi tergeý bastaldy.
QR Qylmystyq-protsestik kodeksiniń 201-babyna sáıkes ózge málimetter jarııalanbaıdy.