Aqtóbe turǵyny 6 keliden astam esirtki saqtaǵan
31 qańtarda Aqtóbe oblysy PD esirtki qylmysyna qarsy is-qımyl basqarmasynyń qyzmetkerleri K.Nokın dańǵylynda jedel-izdestirý is-sharalaryn ótkizý barsynda 35 jastaǵy aqtóbelikti toqtatqan. Er adamdy syrttaı tekserý kezinde kombınezonynyń qaltasynan ósimdik tektes zattary bar 4 qaǵaz baılamy tabylyp, tárkilendi.
Sotqa deıingi tergeý barysynda er adam turǵylyqty jeri boıynsha esirtki zattaryn saqtaıtynyn aıtqan. Turǵylyqty jerin tintý barysynda 105 qaǵaz oramasy bar eki polıetılen paket jáne saraıdan ósimdik tektes zaty bar qap tabyldy.
Saraptama qorytyndysyna sáıkes, alynǵan zattar jalpy salmaǵy 6 keliden asatyn marıhýana esirtki quraly ekeni anyqtaldy. Osy fakti boıynsha QR QK-niń 297-babynyń 1-bóligimen (Esirtki quraldaryn, psıhotroptyq zattardy, olardyń analogtaryn ótkizý, jóneltý nemese ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý) sotqa deıingi tergep-tekserý bastaldy.
Osy baptyń sanktsııasy múlki tárkilenip, bes jyldan on jylǵa deıingi merzimge bas bostandyǵynan aıyrýdy kózdeıdi.
Foto: polisia.kz