Aqtóbe: Sýdıa sot otyrysyn ótkizý úshin lańkesterge abaqtyǵa kelip turady
«KTK» arnasynyń habarlaýynsha, sýdıa qaýipsizdik úshin otyrysty sonda ótkizý týraly sheshim shyǵarǵan. Qazir jabyq mekemeniń mańaıy tolyq qorshaýǵa alyndy. Tipti, sondaǵy ózge sottalýshylardyń jaqyndary sálem-saýqattaryn jetkize almaı júr.
Lańkestik oqıǵaǵa qatysty osy kúnge deıin 66 jábirlenýshi men 41 kýágerden jaýap alynǵan. Olar qarý-jaraq dúkenderine jasalǵan shabýyl týraly aıtyp beripti. Endi qalǵany - áskerı bólimde bolǵan atystyń mán-jaıyn bilý. Ol kezde memlekettik qupııa málimetter aıtylady. Protsesti abaqtyǵa aýystyrýdyń taǵy bir sebebi osy eken.
"Atyshýly protsesstiń ashyq ótýin sottalýshylardyń týystary men aımaqtaǵy jıyrmaǵa tarta buqaralyq aqparat quraldarynyń ókilderi talap etken bolatyn. Tilshiler ótken aptada oblystyq sot pen Bas prokýratýraǵa aryzdaryn tapsyrdy. Biraq ondaǵylar muny quptamaǵan. Óıtkeni, kýágerler qarsy bolǵan.
Sot aldynda 29 aıyptalýshy jaýap berip jatyr. Solardyń biri Jańabaı Qýanyshbaevty lańkestik oqıǵadan buryn ulttyq qaýipsizdik komıtetiniń qyzmetkerleri tergep júrgen eken. Óıtkeni ol jurtty burynnan jıhadqa shaqyryp kelgen. Al sot otyrysy kúnde ótýde. Soǵan qaraǵanda, úkim jaqyn arada shyǵyp qalýy múmkin", - dep habarlady telearna.